Fjellstyret reviderer forvaltingsplan for statsallmenningen - ynskjer innspel

Aurland fjellstyre skal revidera og vedta forvaltingsplanen for statsallmenningane i Aurland for ein ny 4-årsperiode. Utkast til plan vart handsama av fjellstyret i junimøtet, og vedteke utlagt på høyring. Planen vil vera retningsgjevande for fjellstyret si forvalting innan felt som fiske, småvilt- og storviltjakt, villrein, beite og andre landbruksinteresser, hytter, oppsynsteneste, informasjon og tilrettelegging. Fjellstyret ber om at innspel til planen vert sende innan høyringsfristen, som er 1. oktober. Les planutkastet her.