Fiskesesongen 2023

Isen reiste forholdsvis tidleg på fjellvatna denne sommaren. Frå midten av juli kunne det fiskast med garn i mange vatn. På garn vart det fiska 1578 kg (3735fisk), fordelt på 21 vatn i allmenningen. 82 fiskarar har meldt inn fangst. Nyhellermagasinet ligg øvst på fangststatistikken, med 525,6 kg fordelt på 920 garnfanga fiskar. Andre vatn med bra garnfiske var Svartavatnet med 247 kg og Stora Vargevatnet med 222 kg på garn. Også reguleringsmagasina Langavatn/Adamsvatn og Katlamagasinet hadde godt over 100 kg oppfiska kvantum. Fleire av dei største fiskane denne sesongen vart tekne på stong. Største fisken vog 1,3 kg og vart teken på garn i Nyhellermagasinet. Til saman 401 kg (955 fiskar) er innmeldt av sportsfiskarar. Desse har ikkje pålegg om å melda inn fangst – berre ei sterk oppmoding frå fjellstyret om å melda inn. Stongfisket fordelte seg på 51 vatn i Aurland statsallmenning.

 Denne sesongen var det ein markert auke i talet på utanbygdsbuande fiskarar som kjøpte garnkort (17). Dette oppveg noko av fråfallet som ein har sett av innanbygdsbuande som driv med dette.

Tal frå fangststatistikken for 2023:

 Selde garnkort:                              99

Innlevert rapport:                           95  (95 %)

Tal garnnetter:                               1529

Tal fisk:                                           4690                (av dette 955 på stong/oter)

Kg. fisk                                           1978 kg           ( av dette 401 kg på stong/oter)

Største fisk:                                    1,3 kg              (I Nyhellermagasinet)

Fiskeinnsats pr. fiskar                     18 garnnetter

Sesongfangst pr. fiskar                  18,6 kg            (gjennomsnitt for dei som fiska med garn)

Fangst pr. garnnatt:                       1,0 kg              (2,5 fisk)

Gjennomsnittstorleik:                    0,42 kg

Foto: Geir Johansen